Kryetari i Skenderajt, Sami Lushtaku, ka pritur sot në takim Komandantin e KFOR-it turk në Kosovë, kolonelin Harun Elitash.
Gjatë takimit u diskutua për bashkëpunimin e deritanishëm dhe mundësitë për thellimin e tij në shërbim të qytetarëve.
Lushtaku vlerësoi lart angazhimin dhe gatishmërinë për bashkëpunim, duke e cilësuar partneritetin me KFOR-in turk si të rëndësishëm për siguri, stabilitet dhe zhvillim lokal.
Ai falënderoi gjithashtu për mbështetjen në aktivitetin e 22 Prillit – Ditën e Tokës, ku synohet pastrimi i mbeturinave dhe eliminimi i deponive ilegale në territorin e Skenderajt.
