Kryeministri i Kosovës, Albin Kurti, ka bërë të ditur se paga e 13-të për punëtorët e sektorit publik do të shpërndahet në fund të këtij muaji (mars).
Ai këtë e kishte paralajmëruar në fillim të muajit gjatë mbledhjes së Këshillit të Përgjithshëm të Lëvizja Vetëvendosje.
Sipas tij, kjo pagesë është e përfshirë në buxhetin e vitit 2026, i cili arrin vlerën rreth 4 miliardë euro.
Kurti kishte theksuar se buxheti përfshin edhe rritjen e shtesës për përvojën e punës nga 0.25% në 0.50% për 15 vitet e para.
Buxheti është miratuar në Kuvend më 20 shkurt me 62 vota për, ndërsa opozita nuk e ka mbështetur atë.