Në varrezat e dëshmorëve në fshatin Abri e Epërme janë bërë homazhe në nderim të dëshmorit të kombit, Fejzullah Hajdaraj, në 27-vjetorin e rënies së tij heroike.
Në këtë përvjetor morën pjesë drejtorë të drejtorive komunale, familjarë, bashkëluftëtarë dhe qytetarë të shumtë, të cilët nderuan me respekt jetën dhe veprën e dëshmorit për lirinë e Kosovës.
Të pranishmit vlerësuan lart sakrificën dhe kontributin e Fejzullah Hajdarajt në rrugën e çlirimit të vendit, duke theksuar se kujtimi për dëshmorët do të mbetet gjithmonë i paharruar.
“Lavdi jetës dhe veprës së Fejzullah Hajdarajt! Lavdi Ushtrisë Çlirimtare të Kosovës!”, u tha gjatë homazheve.